Ka ndodhur ajo që pritej te Tirana. Orges Shehi nuk është më trajner i skuadrës bardheblu.

“Panorama Sport” ka ndjekur me vëmendje ditën e sotme stërvitjen dhe pas një mbledhjeje të drejtuar nga Tefik Osmani, Shehi dhe Karapici mësohet se nuk janë më në krye të stolit të Tiranës.

NGJARJA

Sot rreth orës 11:00 Shehi është paraqitur në stërvitje i veshur me tuta, por seanca nuk ka filluar sepse Osmani ka bërë një mbledhje me skuadrën.

Pa mbaruar mbledhja Shehi ka dalë më pas i veshur civil dhe ka pritur deri sa të mbarojë mbledhjen Osmani me lojtarët.

Pastaj futbollistët kanë takuar Shehin një për një dhe janë larguar. Kandidatë deri tani për ta zëvendësuar janë Ernest Gjoka, Emanuel Egbo dhe Juljan Ahmataj.