Fitore madhështore! Ballkani i Ilir Dajës mposhti mbrëmjen e sotme Dinamon e Zagrebit, në duelin e dytë të vlefshme për grupet e Ligës së Konferencës. Golat e Kryeziut në minutën e 44 dhe Hamidit në minutën e 83-të, i dhuruan 3 pikë të arta kampionëve të Kosovës, që bëjnë pjesë në Grupin C së bashku me Plzen dhe Astanën.  

Jo vetëm 3 pikë, Ballkani zhvilloi edhe një paraqitje dinjitoze, duke bindur në të gjitha aspektet, një fitore mëse e merituar e skuadrës së Ilir Dajës, që po bën krenarë gjithë shqiptarinë në arenën Europiane.

Kujtojmë që në duelin e parë Ballkani u mposht me rezultatin 1-0 nga Plzen në Çeki.  

FT

BALLKANI 2-0 DINAMO ZAGREB

44′ Kryeziu, 84′ Hamidi

NGJARJET KRYESORE

Mbyllet sfida!

90′ Akordohen 4 minuta shtesë!

84′ GOOOOL BALLKANI! Hamidi dyfishon shifrat, shpërthen festa në “Fadil Vokrri”! Futbollisti përfiton nga një gafë në mbrojtje e kroatëve, futet bukur brenda zonës dhe godet saktë me të majtën duke përshëndetur rrjetën. (VIDEO)

71′ Në fushë edhe Limaj që zë vendin e autorit të golit Kryeziu.

70′ Ballkani hermetik në mbrojtje, dardanët nuk lejojnë hapësira në prapavija, duke u mbrojtur mjaft mirë.

65′ Daja kryen dy zëvendësime, largohet Ismajgeci dhe Berisha në fushë Tolaj dhe Hamidi.

59′ Dinamo Zagreb nuk heq dorë nga sulmet e rrezikshme duke ushtruar presion në portën e Ballkanit.

56′ Shpëton për mrekulli porta e Ballkanit, Jashanica për pak sa nuk shkakton autogol. (VIDEO)

54′ Minuta të mira për kroatët në këto momente, por mbrohet mirë skuadra e Ilir Dajës që nuk le hapësira në mbrojtje.

51′ Kuç kroson një top në zonë, por një nga mbrojtësit largon rrezikun.

46′ Nis pjesa e dytë.

45’+3′ Mbyllet pjesa e parë!

45′ Akordohen 2 minuta shtesë.

44′ GOOOL BALLKANI 1-0! Kryeziu shënon një gol të bukur, por anulohet për pozicion jashtë loje. VAR-i i vjen në ndihmë skuadrës së Dajës dhe quan gol të rregullt. (VIDEO) + (VIDEO)

36′ Kryeziu provon në të djathtë, por goditja është e lehtë dhe kontrollohet pa problem nga portieri. (VIDEO)

35′ Kuç gjuan nga buza e zonës, por topi shkon larg shtyllës së djathtë. (VIDEO)

17′ Berisha “vjedh” një top nga kundërshtari dhe niset me shpejtësi drejt portës kundërshtare, godet por portieri arrin ta presë. (VIDEO)

3′ Kryeziu pretendon një 11-metërsh, por më parë loja ishte ndalur për një pozicion të parregult. (VIDEO)

1′ Starton sfida!