Arabia Saudite nuk është ngopur me yjet e Europës, madje as me trajnerë dhe pritet që të rikthehet sërish në sulm, por mesa duket tashmë ka vendosur që të kalojë edhe te faza e afrimit të drejtuesve dhe bëhet fjalë për ikona të rëndësishme të futbollit.

Ideja e fundit është ajo e Alesandro del Pieros si drejtor sportiv në radhët e Al Nasr. Pikërisht kështu, ai që nga tifozët e Juventusit shihet dhe kërkohet me ngulm që të rikthehet në klub me një rol të lartë drejtuesi, duket se mund të përfundojë dhe t’i bashkohet Kristiano Ronaldos në Arabinë Saudite.

Oferta zyrtare është bërë ditën e djeshme dhe Del Piero mësohet se nuk e ka refuzuar, por thjesht ka kërkuar pak kohë që të mendohet.