Rikthimi nuk mund të ishte më spektakolar.

Rej Manaj harroi menjëherë tri ndeshje radhazi që humbi në Superligën turke, sepse ishte në infermieri, dhe u shfaq në përmasat e sezonit të kaluar.

Sulmuesi kuqezi, që humbi gjithashtu dy sfidat e kombëtares në Ligën e Kombeve, realizoi dy gola në fitoren e vështirë që Sivaspori arriti në shtëpi kundër Hatajsporit.

Manaj goditi saktë me kokë për 1-0 në 43’, ndërsa pas pushimit mori përsipër penalltinë, duke barazuar rezultatin në 2-2, sepse miqtë kishin realizuar përmbysjen.

Tashmë, për të janë tri rrjeta të realizuara në dy ndeshjet e fundit që ka luajtur, së pari kundër Gaziantepit, dhe tani ndaj Hatajsporit.

Në total, Manaj ka luajtur në gjashtë sfida nga 9 të këtij edicioni në kampionat, ndërsa kundër Ejupsporit pati nderin dhe vlerësimin e madh që të mbante shiritin e kapitenit.

Me shqiptarin në fushë, Sivaspor ka bilanc pozitiv me 3 fitore, 1 barazim e 2 humbje, por ai nuk ishte I vetmi që tundi rrjetën.

Ishte edhe Enea Bitri, që qenka një mbrojtës që shënova bukur.

Ish-futbollisti I Partizanit, dikur kapiten dhe kampion I vendit me të kuqtë, tregoi veten sërish në Superligën e Hungarisë.

Skuadra e tij, Zalaegersek, fitoi 2-1 jashtë fushe dhe qendërmbrojtësi shqiptar barazoi për 1-1 në minutën e 72-të, me veprim të rrallë.

Në fund, ekipi I Bitrit ia doli në skuadrës rivale, Gjër.

Nga lojtarët tanë nuk pati vetëm gola, por edhe asiste.

Një të tillë e shërbeu Ernest Muçi në Superligën turke,

Siç dihet, 23-vjeçari e ka fituar vendin e titullarit, dhe e shfrytëzoi duke luajtur mirë e duke pasuar për rrjetën e realizuar nga Rafa Silva në fund të pjesës së parë.

Beshiktashi fitoi 2-0 në shtëpi ndaj Konjasporit dhe golin tjetër e pati Çiro Imobile me penallti.

Kapiteni I kombëtares shqiptare, Berat Gjimshiti, u kthye më në fund në fushë.

Siç pritej, ai u aktivizua, madje duke qenë titullar, dhe skuadra nga Bergamo fitoi 2-0 në Venecia.

Golat u shënuan nga Pashaliç e Retegi, nga një në çdo pjesë loje, dhe Atalanta vazhdoi të ngjitet në renditjen e Serisë A, duke pasur tani 13 pikë, në vendin e gjashtë.

Gjimshiti duhet thënë se u paraqit mirë duke pasur parasysh se ka qenë I dëmtuar dhe mori notën 7.1, aq sa ishte mesatarja e ekipit.