Në fillim të javës, Globoesporte raportoi se Vasco da Gama po mendonte t’i jepte fund kontratës së Dimitri Payet, me pretekstin se drejtuesit e klubit brazilian ishin të pakënaqur me paraqitjet e tij, por francezi tashmë ka reaguar ndaj kësaj situate.

Lojtari 37-vjeçar ka bërë një postim në rrjetet sociale këtë të premte, pas fitores 1-0 në shtëpi kundër Cuiabás, në të cilën ai hyri në lojë vetëm në minutat e fundit dhe festoi me shumë entuziazëm fitoren, pasi ishte mjaft i duartrokitur nga fansat e tij.

“Disa njerëz do të përpiqen të shkatërrojnë imazhin tuaj, të njollosin personalitetin tuaj, duke krijuar thashetheme për ju, por ata kurrë nuk do të mund t’ju heqin veprat e mira. Sepse, pavarësisht se si të përshkruajnë, do të admirohesh gjithmonë nga ata që të duan”, shkroi francezi, duke garantuar se dëshiron të vazhdojë në Brasileirão.

“Kur vërtet nuk ju intereson se çfarë mendojnë njerëzit për ju, kjo do të thotë se keni arritur një nivel të pabesueshëm lirie. Këtu është vendi im! Kj është Vasco!”.