Hummels ishte i ftuar në podkastin “Der Spiegel” ku foli sa i përket temës së momentit në futbollin botëror, Topi i Artë. Të gjithë prisnin që ky çmim të shkonte për Vinicius Junior, por në fakt e mori mesfushori i Manchester City, Rodri. Për mbrojtësin e Romës, Real Madridi e ka tepruar me mënyrën e reagimit pasi mesfushori i Manchester City fitoi trofeun më prestigjioz personal.

“Real Madridi tregoi një mungesë të madhe respekti. Ti nuk fiton zgjedhjet dhe nuk njeh garën pastaj, është pak si fryma që futi Donald Trump. Dhe është shumë mos respektuese për të tjerët, është një gjë e keqe shumë kjo. Nuk ka dyshim se dikush nga Real Madridi e meritonte Topin e Artë. Por mos harroni se- ka lojtarë të tjerë të jashtëzakonshëm, që janë po kaq të mirë. Është turp të mos i nderosh ata. Ka pasur skuadra që janë penalizuar shumë më tepër në futbollin ndërkombëtar”, tha Hummels. /Elio Hajdari-Sport Ekspres/