Nico Williams ishte një nga lojtarët e shumë kërkuar në merkaton e verës, me Barcelonën që tentoi deri në fund për transferimin e tij, por katalanasit nuk mundën të bindin Atletico Bilbaon. E njëjta situatë pritet të jetë edhe në merkaton e ardhshme, ndërsa gara do të jetë edhe më e fortë për Barçën.

Tashmë prveç Barçës në garë për shërbimet e tij janë edhe Real Madrid dhe disa ekipe nga Premier League. Në lidhje me interesimet e skadrave “big” ka folur vetë spanjolli. 21-vjeçari ka theksuar se ai po punon shumë fort dhe me merkaton merren agjentët, që janë prindërit dhe vëllai i tij.

“Nëse skuadra të mëdha si Barça, Real Madrid apo klube angleze po më monitorojnë, do të thotë se po e bëj mirë punën time. Unë jam i qartë për vendimin që dua të marr, por në fund kjo është diçka për të cilën mendojnë agjentët e mi. Të cilët kanë qenë me mua që kur isha 11 vjeç. Dhe ata janë prindërit e mi dhe vëllai im”, thekson Williams, i cili në verë u shpall kampion i Euro 2024 me Spanjën.