BYLIS – LAÇI  0 – 0

Ndeshja: 

Është mbyllur përballja mes Bylisit dhe Laçit. Sfidë kjo që ka përfunduar në “paqe” 0-0 mes tyre.

Një lojë shumë e luftuar mes dy skuadrave që shpërdoruan disa raste të pastra shënimi. 90-të minutat pavarësisht këmbënguljes së vendasve dhe ekipit miq, sërish lojtarët nuk ia dolën të gjenin rrugën e rrjetës, duke ndarë kështu nga 1 pikë.

Pas kësaj sfide situata në fundin e klasifikimit nuk ndryshon. Laçi shkon në kuotën e 11 pikëve dhe ndodhet në vendin e 9-të, ndërsa me 10 pikë e ndjek Bylisi që ndodhet në vendin e fundit.

Superiore: Java e 12

Stadiumi: “Adush Muça”

Arbitër: Erjon Bylykbashi

Formacionet zyrtare:

BYLIS: Beqaj, De Souza, Ruçi, Malomo, Sulovari, Ofori, Berko, Marku, Perlta, Përgjoni, Abazaj. Trajner: Nevil Dede

LAÇI: Dajsinani, Kurti, Opeh, Kristian, Lleshi, Mjaki, Manellari, Melo, Papa, Tresa, Kuame. Trajner: Francesko Moriero

LIVE:

90+3′- Mbyllet 0-0 sfida ne Ballsh. Skuadrat ndajne nga 1 pike.

90′ – Ofori merr kartonin e dyte te verdhe dhe del me te kuq, duke lene ballshiotet me 10 lojtare.

77′- Tjeter rast i paster nga Laci, Melo nuk mundet te kaloje kapitenin e ballshioteve.

61′- Dajsinani ben heroin, fluturimthi pret gjuajtjen e Peraltas.

57′- Laci ka nje rast te mire per te kaluar ne avantazh, por topi qe vjen nga goditja e kendit kalon gjithe pasqyren e portes.

46′- Nis pjesa e dytë.

45+2′- Mbyllet 0-0 pjesa e parë e sfidës. Ekipet shkojnë në dhomat zhveshjes.

34′- Goditje dënimi për ballshiotët në afërsi të zonës, por kurbinasit janë të kujdesshëm dhe largojnë topin.

20′- Nje aksion i shpejtë nga Laçi, me kurbinasit që futen në zonë, por ndërhyrja e Beqajt është vendimtare.

3′- Aksion i shpejtë nga Bylisi, Peralta godet pjesën e jashtme të rrjetës.

1’- Starton sfida në Ballsh, Bylisi dhe Laçi kërkojnë fitoren në “derbin” e mbijetesës.