Është shtëpia më e famshme në Shqipëri dhe padyshim që ngjarjet e krijuara në Big Brother VIP Albania janë në qendër të vëmendjes. Banorët e Big Brother po përfliten kudo në rrjet, duke transmetuar shumë emocione të forta.

Së fundmi, pjesë e shtëpisë së “Vëllait të Madh” janë bërë aktori i humorit shkodran, Tan Brahimi dhe Bledi Mane.Sapo hyri në shtëpi, Luizi dhe Tani treguan se kanë një shoqëri shumë të mirë jashtë shtëpisë.

Por aktori shkodran ka ironizuar me Bled Manen teksa po tentonin të flinin në dhomën e gjumit.Tani ironizoi me të duke i thënë se ai nuk është VIP. “Me ndërru lagjen krejt. Imagjino çfarë VIP-i, të flejë burri në një dhomë me Bledi Manen…”.

Gazetari Bledi Mane është futur prej pak ditësh në shtëpinë e Big Brother VIP Albania. Kohë më parë, Mane kishte thënë se shqiptarët e Kosovës nuk kanë kulinari (kuzhinë) të mirë, për shkak se nuk e përdorin dhe nuk e dinë se çfarë është vaji i ullirit.

Kaq kishte mjaftuar që deklarata e tij të shpërndahej me të madhe në thuajse të gjitha rrjetet sociale në Kosovë.E teksa ka bërë një bisedë me banorët e BBVA në orët e vona, Bledi ka përsëritur qëndrimet e tij lidhur me këtë çështje, duke thënë se kulinaria e shqiptarëve të Kosovës është prapa.

Ndërkohë, ka qenë banorja nga Kosova, këngëtarja Nita Latifi ajo e cila ka reaguar duke i thënë: “Bën shaka ti?”.“Kulinaria juaj lë akoma për të dëshiruar, ju jeni te pleskavica”, ka theksuar gazetari i Top Channel.