Kristjan Asllani siç dihet ka marrë një dëmtim në gju me Kombëtaren, në sfidat që kuqezinjtë zhvilluan në muajin e kaluar. Pas vizitave mjekësore nga stafi i Interit u raportua se ka një dëmtim të lehtë, por ditë pas dite nuk po rezulton i tillë.

Shqiptari humbid duelin me Romën, ndërsa ishte i grumbulluar ndaj Juventusit dhe Empolit falë qetësuesve që stafi mjekësorë i kishte bërë. Ndërkohë mbrëmjen e sotme në sfidën që Interi do të luajë me Venecian, Asllani është jashtë listës së të grumbulluarve, po për shkak dëmtimi.

Diçka e tillë “tremb” Sylvinhon pak ditë para dueleve me Kombëtaren, ku kuqezinjtë do të luajnë ndaj Çekisë dhe Ukrainës. Sipas mjekëve zikaltër shqiptari do të rikuperojë dhe shpresohet që të jetë i gatshëm për Inzagin përballë Arsenalit ose Napolit. Diagnoza e tij tani nuk flet më për goditje në gju, por për një dëmtim në muskujt e kofshës.