Lorenco Vila është lojtari i ri i Dinamos. Burime të besueshme bëjnë me dije për Newsport.al që kryeqytetasit kanë hapur thesin për të blerë futbollistin e Teutës.

Një goditje e bujshme pikërisht dy javë para mbylljes së merkatos së verës. Vila ka spikatur prej vitesh në Superiore dhe tanimë ka shansin e artë te tregoje potencialin e tij në një tjetër skuadër të elitës.

Ai ka qenë gjithmonë në qendër të vëmendjes duke qenë shpesh vendimtar me golat e tij te durrsakët. Trajneri Di Biagio ka dhënë miratimin e tij për ta pasur në skuadër Vilën për shkak të cilësive që zotëron.