Elbasani nuk ka ndërmend të ndalet dhe drejtuesit vazhdojnë punën për të transferuar në Elbasan “dëshirat” e fundit të Roberto Bordin para startit të Superiores. Kështu një malazez do të kalojë te  verdheblutë.

Sipas “Supersport” bëhet me dije se Emir Azemovic është vënë në dispozicion të trajnerit italian, i cili në këtë mënyrë përforcon mbrojtjen. Në fakt mungon vetëm zyrtarizimi i këtij transferimi me 27-vjeçarin që luan si qendërmbrojtës.

Sezonin e fundit e mbylli te ekipi i Novi Pazarit, duke u aktivizuar në 28 ndeshje të kampionatit. Me transferimin e Azemovic zgjidhet edhe “halli” i Bordin për prapavijën.