Skuadra e Interit sot mbajti seancën e fundit stërvitore para ndeshjes finale ndaj Manchester Cityt në Ligën e Kampionëve. Në konferencë për media ishte i pranishëm trajneri Inzaghi dhe mesfushori turk, Calhanoglu, shkruan Shikofutboll

Mesfushori nga Turqia mori një pyetje interesante nga gazetari shqiptar, Arlind Sadiku që në fakt shkaktoi të qeshura të mëdha në konferencë.

“A prisni ndonjë shans për t’i shënuar gol Manchester Cityt, duke e parë se çfarë i bëri Real Madridi”, ishte pyetja e gazetarit shqiptar në drejtim të futbollistit turk.

Calhanoglu fillimisht nuk i mbante të qeshurat, pastaj u përgjigj: “Po, pse jo? Të shënon nuk është e rëndësishmja këtu. Më e rëndësishme është të fitosh ndeshjen”.

Kujtojmë që finalja e madhe e UEFA Champions League zhvillohet nesër nga ora 21:00 në Stamboll të Turqisë.