Nga podiumi i “FIFA The Best”, te Superkupa e Italisë. Simone Inzagi përpara sfidës me Lacion iu përgjigj interesimit të mediave në lidhje me disa teme konkrete, nga objektivat e zikaltërve te merkato, ndërsa nuk ngurojë t’i përgjigjej edhe Alegrit në lidhje me batutën e këtij të fundit:

“Është trofeu i parë sezonal, dëshirojmë ta fitojmë për herë të tretë radhazi, por janë edhe ekipe të tjera që kanë të njëjtat ambicie, ne do të përpiqemi të bëjmë më të mirë.

Merakto? Për këtë po mendojnë drejtuesit, por sa i përket sulmit, jam shumë i kënaqur me sulmuesit që kam në dispozicion, më të katër ata, na kanë dhënë shumë kënaqësi”, u shpreh Inzaghi duke shuar zërat që flasin për një interesim të Interit për Armando Brojën. Në konferencën për shtyp, Inzagi reagoj edhe në lidhje me deklaratën e bërë nga trajneri i Juves, Maks Alegri, i cili e konsideronte garën me Interit si loja hajduti dhe polici.

“E dëgjova, por mendoj se ishte një deklaratë normale në botën e futbollit. Jam këtu prej vitesh, e njoh Alegrin. Sigurisht që është një duel i bukur ndërmjet Interit dhe Juves, por të mos harrojmë as Milanin, ata janë pas nesh me pak pikë diferencë”, u shpreh Simone Inzagi.