Luiz Ejlli përsërit faktin që nëse del Kiara Tito, do dalë edhe ai nga shtëpia e “Big Brother Albania Vip 2”. Teksa po bisedonin në suitë, këngëtari i tha moderatores se ose ata të dy do shkojnë bashkë në finale, ose nuk do shkojë asnjëri prej tyre.

Ai shpesh herë e ka përsëritur këtë gjë, duke thënë se loja e tij nuk do kishte kuptim pa Kiarën brenda në shtëpi. Në fakt, kjo e fundit pak ditë më parë, duke biseduar me Oltën dhe Armaldon tha se nëse Luizi del nga shtëpia, ajo do vazhdojë lojën dhe nuk ka pse del.

Gjatë qëndrimit të tyre në suitë, nuk munguan bisedat për lojën. Edhe pse ishin për dy netë vetëm dhe u mendua se do flisnin vetëm për njëri-tjetrin dhe do shkëpusnin vëmendjen nga pjesa tjetër e banorëve, në fakt nuk ndodhi kështu.

Përpos droneve të panumërt dhe mesazhe të shumtë nëpërmjet aplikacionit “Big Love”, Luizi ka dicka për t’iu thënë ndjekësve të tij.

Teksa ndodhej në suitën e fituar nga Kiara, Luizi është shprehur falenderues ndaj ndjekësve të tij pasi ia kanë bërë jetën më të bukur.

“O jeni të mirë o zot ma keni zbukuru ditën, jetën, realisht. Ishalla o zot ju kena dhuru vec kënaqësi, vec gëzim, vec buzëqeshje dhe lojë të fortë dhe ishalla po gëzojmë të gjithë bashkë në fund. Uroj mos t’iu zhgënjej kurrë”, shprehet Luizi.