Gazetari i njohur Drini Zeqo është larguar nga shtëpia e “Big Brother VIP” tre ditë më parë. Mbrëmjen e sotme, që në nisjen e spektaklit, Drini ka zbuluar arsyen e largimit të tij të papritur dhe lidhej me një emergjencë familjare. Drini është shprehur:

Në fakt gara nisi për mua sapo hyra në Top Channel, në regjistrimin e klipit prezantues. Kur njeriu nis një sfidë të re, mendon se pse po e bën këtë sfidë. Mendova që Big Brother, ka një audiencë të jashtëzakonshme, ndaj duhet të kesh dhe një kauzë. Mendova se cila ishte kauza ime…

Kauza ime ishte motra, sepse unë kam shumë vite që jetoj në familje me një motër, të cilën e dua shumë. Ajo është dashuria ime më e madhe në jetë.

Ndonjëherë nuk mjafton vetëm të duash, por ta japësh dashurinë në të gjitha emocionet. As koha nuk mjafton, duhet kohë cilësore. Ne dashurojmë me të gjithë qenien tonë vetëm duke qenë pranë.

Duke qenë pranë saj në një fazë shumë të vështirë. Ajo prej vitesh vuan dhe kishte një shqetësim të shtuar, ndaj vendosa ta ndërpres direkt garën. Ajo vuan nga një problem i shëndetit mendor.

Mamaja ime është dashur të kujdeset dyfish për të. Kur më njoftuan që ka diçka që nuk shkon, mendova se çfarë na bën ne të ndjeshëm. Ne na ndryshon aftësia për të bërë dikë të lumtur…