Rodri ka fituar “Topin e Artë” për vitin 2024. Mesfushori i Manchester City-t shkëlqeu si me klubin anglez, por ajo ç’ka i “vuri kapak” fitimit të këtij trofeu ishte padyshim shpallja kampion me Spanjën në Europianin e këtij viti.

Në fakt Rodri do të festojë mbrëmjen e sotme i qetë, pa u marrë aspak me mesazhet që mund t’i vijnë në rrjetet sociale. Si pak futbollistë në ditën e sotme, spanjolli nuk ka Instagram.

Edhe pse është aplikacioni më i përdorur në botë, kryesisht edhe nga vetë lojtarët, Rodri nuk e preferon diçka të tillë. Kampioni i Europës do ta shijojë këtë trofe të fituar në qetësinë e tij.