Sa para do të fitonte Shqipëria nëse do të futej në Euro 2024

UEFA në total për ekipet pjesëmarrëse do të shpërndaj 371 milionë euro, ndërkohë gjatë edicionit të mëparshëm kjo shifër ishte 301 milionë, kurse në krahasim me vitin 2016, kur Shqipëria mori pjesë në Kampionatin Evropianin të Francës, kjo shifër është rritur me 23 për qind.

Të gjithë janë kuriozë se sa do të fitojë federata e një shteti për pjesëmarrjen në turneun e vitit të ardhshëm.

Shqipëria me pozitat që ka aktualisht dhe duke parë ndeshjet e mbetura në Grupin E, është pranë sigurimit të pjesëmarrjes në Euro 2024.

Dhjetë pikë dhe kryesuese në grup, kuqezinjve u mjaftojnë vetëm 5 pikë në tri ndeshjet e mbetura për të parë veten në Gjermani qershorin e ardhshëm.

Kuqezinjtë luajnë ndaj Çekisë në shtëpi në muajin tetor, ndërsa në nëntor dy sfidat e tjera me Moldavinë në si mysafir dhe Ishujt Faroe si vendas.

Në rast kalimi në Euro 2024, FSHF do të marr 9.25 milionë euro vetëm si pjesëmarrëse në fazën e grupeve, shkruan europeanchampionship2024.

Për çdo ndeshje që e fiton në fazën e grupeve, Shqipëria do të fitoren 1.5 milion euro, ndërsa 2 milionë euro të tjera do t’i shtonte në konto nëse kalon në 1/16-tën.

Pastaj kalimi në fazën çerekfinale vlen 3.25 milionë euro, ndërsa në gjysmëfinale plot 5 milionë euro.

Fituesi merr në shtëpi edhe 10 milionë euro të tjera, ndërsa finalisti që humb po ashtu fiton, plotë 7 milionë euro.