Në “Elbasan Arena” do të luhet Dinamo – Bylis. Duel ky që do të zhvillohet ditën e sotme në orën 17:00 dhe është i vlefshëm për javën e 11-të të Superiores.

Por nuk do të jetë vetëm një përballje Dinamo – Bylis, pasi dy trajnerët do të duelojnë mes tyre për 3 pikët e kësaj jave. Ilir Daja kundër Nevil Dedes, një duel interesant që zgjon interesin e tifozëve.

Sigurisht që sfida e së enjtes nuk është e para mes tyre, pasi në të kaluarën janë përballur 4 herë me njëri-tjetrin. Por cili është më “strategu” mes tyre? Ilir Daja!

Timonieri i dinamovitëve ia ka dalë të fitojë 2 sfida përballë Nevil Dedes. Ndërsa ky i fundit ka fituar 1 dhe në një tjetër rast janë ndarë në “paqe”. Mbetet të shihet pas 90-minutave për të kuptuar se në favorin e kujt do të përfundojë sfida e radhës mes tyre.