Riccardo Calafiori po shkëlqen me kombëtaren italiane në Europianin “Gjermani 2024”. Qendërmbrojtësi 22 vjeçar ka bërë paraqitje mjaft të mira, të cilat kanë rënë edhe në sy te ekipeve të mëdha europiane.

Së fundmi, është Real Madrid që ka shfaqur interes për talentin e Bolognas.

Kontrata e mbrojtësit me klubin italian përfundon në vitin 2027, kështuqë pritet që Bologna të kërkojë një shumë të konsiderueshme për ta lënë të lirë Calafiorin.

Por ky operacion do të marrë kohën e tij, pasi edhe Real Madrid do të presë përfundimin e Euro 2024, për t’u ulur dhe biseduar mbi transferimin e Calafiorit në Spanjë.