Ish-numri 10 i Interit, Wesley Sneijder, përfshihet në debatin për Topin e Artë. Holandezi 40-vjeçar beson se Vinicius Junior e meritonte para Rodrit çmimin prestigjioz.

Holandezi sigurisht nuk e ka harruar zhgënjimin e mungesës së Topit të Artë në vitin e suksesit të trefishtë në vitin 2010.

Sneijder bëri deklaratat e mëposhtme për këtë çështje: “Po, ata më vodhën Topin e Artë në vitin 2010. Por sinqerisht, jam i lumtur që njerëzit ende po flasin për këtë në 2024. 14 vjet më pas, njerëzit më thonë: ‘Wesley, ata të grabitën atë vit’. Imagjinoni sikur ta kisha fituar Topin e Artë dhe njerëzit të thoshin: ‘Ai ia mori dikujt’.

Në përfundim të deklaratës së tij, Sneijder shton:

“Çmimet individuale janë të bukura. Por sukseset me ekipin si ngritja e trofeut të Champions League ishin më të çmuara për mua sesa marrja e Topit të Artë”.