Italia ka nisur grumbullim e saj për ndeshjet e kombëtareve dhe në prag të përballjeve me Belgjikën dhe Izraelin, trajneri Luçiano Spaleti ka dhënë një konferencë për shtyp ku u ndal edhe te disa lojtarë të Juventusit.

“Pse Gabia dhe jo Gati? Mateo ka treguar se mund ta komandojë repartin difensiv, të jetë një mbrojtës i vëmendshëm dhe me intensitet të madh. E mban linjën e mbrojtjes gjithmonë lartë dhe flet shpesh me shokët e skuadrës. Ne kishim nevojë për një mbrojtës të tillë dhe e grumbullova me kënaqësi. Gati nga ana tjetër kishte disa probleme fizike dhe që i duhej pak kohë për të marrë veten.

Sigurisht që ne mund ta kishim këtu, por na duhen lojtarë që janë në kushtet më të mira, ndërsa Gatit i duhej edhe pak kohë për t’u rikuperuar” u shpreh fillimisht Spaleti që komentoi edhe për Faxholin.

“Faxholi ka treguar se ka një vizion të frikshëm lojë dhe arrin aty ku lojtarë të tjerë nuk shkojnë dot. Bën një lojë të pastër dhe ka kapacitetin të shkojë më lart nga sa është. E pash në sfidën ndaj Lajpcigut dhe ai ka kualitete të mëdha. Dua të shoh talentin e tij”, tha ndër të tjera në konferencën për shtyp trajneri Luçiano Spaleti.

PANORAMASPORT.AL