Barcelona lë pas krahëve humbjen përballë Osasunës së pësuar një javë më parë dhe rikthehet te fitorja në kampionat, duke mposhtur 3-0 në transfertë Alaves, në sfidën e vlefshme për javën e 9-të të LaLigas.

Lewandowski është protagonisti absolut i skuadrës “blaugrana”. Sulmuesi polak ka shënuar 3 gola në këtë takim, që në pjesën e parë.

Pas këtij suksesi Barcelona ngjitet në kuotën e 24 pikëve në vendin e parë në tabelën e klasifikimit, ndërsa sulmuesi polak shkon në kuotën e 10 golave në 9 ndeshje të luajtura në kampionat.