Kur bëhet fjalë për të dhënat statistikore që lidhen me botën e futbollit, “Opta” është një institucion i vërtetë tashmë i njohur në mbarë botën. Në ditët e fundit, ofruesi i të dhënave analitike ka ndezur uebin dhe rrjetet sociale pasi ka publikuar shanset e ekipeve garuese në pesë ligat kryesore europiane, mes tyre dhe Serinë A.

Kur flasim për Serinë A, verdikti i dhënë nga statistikat e “Opta”-s është i qartë: Interi – sipas superkompjuterit analitik – është në krye me 43.6% shanse për t’u shpallur kampion i Italisë në maj 2024. Mes të tjerave bie në sy dhe fakti se kampionati italian është deri tani turneu më i balancuar në mesin e pesë kampionateve më të rëndësishëm në Europë, Premier League, Bundesliga, Ligue 1, La Liga dhe Serie A. Në Angli, në fakt, Mançester Sitit e ka tashmë rrugën e shtruar drejt titullit me 90% shanse për të fituar, madje më shumë se Bajerni i Mynihut në Gjermani (69%) dhe PSG-ja në Francë (57%), ndërsa në Spanjë, Reali i Madridit ka pak më pak se 50% shanse për t’u shpallur kampion.

Për të arritur këto përqindje ka ndikuar tendenca e fundit e kampionateve përkatëse, me Serinë tonë A e cila ka parë që katër formacione të ndryshme të fitojnë titullin në katër sezonet e fundit (Juventus, Inter, Milan dhe Napoli). Numrat flasin dhe thjesht sugjerojnë një skenar të mundshëm: e vërteta do të shihet në fushë javë pas javë në 38 xhiro.