Raxha Naingolan është rikthyer sërish të flasë për eksperiencën e tij te zikaltrit dhe tonet nuk kanë qenë të zbutura.

“Kur luaja te Roma më ndryshoi jeta: kisha gjithçka që më duhej për të qenë i lumtur. Kishim një ekip të fortë, fitova para, fansat me adhuronin, kisha një qytet ku mund të argëtohesha. Dhe nuk më bezdisnin, më thoshin që mund të bëja çfarë të doja jashtë fushë për sa kohë jepja më të mirën kur luaja.

Në Romë gjeta dimensionin tim, më pas shkova tek Interi dhe aty më çanin t***in për gjithçka, nga klubi te tifozët. Nuk ndihesha aspak i qetë”, ishin fjalët e belgut në intervistën e tij për “Corriere dello Sport”.