Tirana këtë sezon është shumë larg pritshmërive të tifozëve. Deri më tani janë zhvilluar 11 javë kampionat dhe bardheblutë mbajnë vendin e 7-të në tabelën e klasifikimit me vetëm 11 pikë, po aq sa Skënderbeu i vendit të 8-të.

Por ajo që bie në sy gjatë këtij sezoni është se bardheblutë ia kanë dalë të sigurojnë vetëm 1 fitore. Kryeqytetasit e Bledi Shkëmbi kanë mposhtur vetëm Skënderbeun me shifrat 2-1. Një triumf i cili u duk sikur Tirana u “rizgjua”, por sërish bardheblutë nuk po arrijnë të kenë vazhdimësinë.

Vetëm 1 fitore , e cila pasohet nga 8 barazime dhe vetëm 2 humbje. Rezultate këto që e mbajnë Tiranë në pjesën e fundit të tabelës. Asnjë skuadër tjetër në Superiore nuk ka vetëm 1 fitore. Me nga 2 fitore në këtë sezon janë Laçi dhe Bylis që mbajnë përkatësisht vendin e 9 dhe 10 në klasifikim.

Sfida e radhës për të besuarit e Bledi Shkëmbit është ndaj Egnatias, takim që do të luhet në “Egnatia Arena” ditën e nesërme në orën 14:00. Kryeqytetasit do të tentojnë rikthimin te fitorja në kampionat, për të mos rrezikuar më shumë në klasifikim.