Ishte mësuar gjithmonë të triumfonte në finalet e rëndësishme në kompeticionet Europiane, teksa Zhoze Murinjo provoi mbrëmjen e sotme edhe shijen e humbjes, teksa Roma e tij u mposht në finalen e Ligës së Europës nga Sevilja me penallti.  

Portugezi mund të mos ketë qenë i gëzuar shumë për të marrë medaljen e nënkampionit, disa dyshime kanë dalë edhe nga sjellja e trajnerit të Romës pas ndeshjes.  

Gjatë ndarjes së çmimeve, pasi mori medaljen e humbësve, Murinjo e hoqi atë dhe e hodhi në tribunë. Dhuratë për ndonjë fans apo gjest zemërimi? Kjo është e vështirë të përcaktohet…